يا ريت ما تطلع النتائج ؟؟!!!
وين ممكن روح إذا ما حققت حلم أبي ؟؟!!
طيب والمصاري يلي دفعوها للمدرسين .....وامي باعت اسوارتها كرمال الدروس وما ينقصني شي ..!!؟؟؟
كثير مزعوج وحاس هالمرحلة أصعب من الأمتحان. ..
هذا حال معظم طلاب الشهادتين الإعدادية والثانوية
أهالينا الأعزاء :
ابنك شو ما كانت علامته ..هو فالح ...
إذا ما جاب الطب او الهندسة مو يعني خربت الدنيا !!
العالم يحتاج إلى كل الفروع وكل الاختصاصات ...
كم من طبيب او مهندس ليس له من اسمه إلا (د ...م )
وكل طالب يستطيع أن يتميز ويكون اسم معروف في أي مجال هو يحبه ...بعرف إنكم حطيتوا مصاري كثير بوضع صعب ...
ويعرف أنه الناس بكرة بتعايركم إنه ما جاب علامات رغم كل يلي دفعته عليه ...
لا تحطوا ببالكم حكي الناس ...شو ما صار راح يحكوا حتى إذا جاب علامات عالية راح يقولوا بالغش جابهم ..!!!
لا تقارنوه بأبن خالته. ..وابن الجيران ...وليش ما طلع مثلهم
ديروا بالكم على أولادكم ..
ممكن تخسروهم بمرض او نوم وهما زعلانين ...
او يهربوا من البيت ويضمهم واحد ما بخاف الله فيهم
مهما كانت النتيجة الابن أغلى من كل العلامات ...وكله بتعويض وبنعاد ...وراح نبقى سند ونبارك لاولادنا مهما جابوا ....لأنه ما راح يكون في فائدة من اللوم والعتاب
او الزعل ...
ونعلمهم يفرحوا بنتيجتهم بدون شروط ...
يا ريت ندير بالنا عليهم ونفكر بحلول وليس باللوم والعتاب ..
الطريق لمن صدق وليس لمن سبق ...المهم يلي بكمل صح بالفرع يلي طلعله
بالتوفيق لطلابنا يلي من مستقبلنا ...احلى طلاب
اعداد : هناء ابو زايد
المدرسة السورية للتعليم عن بعد
إرسال تعليق