ام تشجع ابنتها على الدراسة ....
بكرة لما الناس تركض تهني بعضها بالنجاح وأكيد أنا بكون بالزاوية وعيوني حمرا من البكا والحزن ...بتعرفي شو يعني لازم تدرسي. .
وتيجي مرة عمك تجاكر فينا وتطلب فنجاجين قهوة وكراسي لانه عندها ناس كثير بتهنيها على نجاح بنتها .
خليك قاعدة قبالي ... بلا دراسة لانه القعدة معي راح تنجحك! !!!
بكرة وقت يجوا الجيران ويسألوني قديش جمعت بنتك
شو بدي أرد ...
أقول رسبت !!! فرحيني مرة بالعمر ...خليني أجاكر سلفاتي
والجيران ...
ما بطلعلي مرة افرح واشوف حالي ...
قومي ادرسي ....والله ما عندك احساس وكأني بحكي مع حالي ...
والله اذا ما نجحت لتضلي بالبيت للشغل وما ترجعي على المدرسة ..
يلا قومي ...يلا كسل وغباء ...
لمين طالعة ما بعرف ...
لو اهلي درسوني كنت طلعت طبيبة ..بس شو اعمل هيك نصيبي ...
وتستمر حتى تذهب ابنتها إلى الدراسة حاملة هموم العالم
أي دراسة يا امي ؟؟؟!!!
ما ضل في رغبة لا بالدراسة ولا بالكتب ...
..شو رأيكم بهالاسلوب بالتشجيع الدراسة
وبصراحة مين بتعمل هيك ؟؟!!!
اعداد : هناءأبوزايد
المدرسة السورية للتعليم عن بعد
إرسال تعليق